Skuespillerne er fra venstre Kristoffer Sagmo Aalberg, Mads Sjøgaard Pettersen og Kyrre Eikås Ottersen.
Nordenpremiere på SoFt
Publisert
1. september 2009
Sist endret
26. mai 2023
Del artikkel
https://scenekunst.no/sak/nordenpremiere-pa-soft
Lindetreets løyndom, det prislønna stykket til irske Conor McPherson, får Nordenpremiere på Sogn og Fjordane Teater (SoFt) denne uka.
Pressemelding fra Sogn og Fjordane Teater:
Nordenpremière på prislønna irsk stykke
Sogn og Fjordane Teater (SoFt) har Nordenpremière på det irske dramaet Lindetreets løyndom (This Lime Tree Bower) av Conor McPherson onsdag 2. september i Førde. Blant dei medverkande finn vi Amanda-vinnar Mads Sjøgård Pettersen.
I Lindetreets løyndom møter vi tre unge menn frå ein liten kystby nær Dublin som fortel om sine flokete relasjonar og den ekstraordinære veka som kom til å forandre livet deira for alltid.
Tenåringen Joe kjedar seg på skulen og ser etter spenning i den nye klassekameraten Damien. Broren hans Frank jobbar i familiens fish & chips restaurant og vil hjelpe faren mot den sleipe Simple Simon som pressar han på gjelda. Universitetsprofessoren Ray er kjæraste med syster deira, men er meir oppteken av å nedlegge damer enn å forelese.
Lindetreets løyndom er ei nervepirrande forteljing der publikum får innsyn i dei inste fantasiane til tre unge menn. Stykket stiller mellom anna det interessante spørsmålet: kan det nokon gong forsvarast å gjere eit brotsverk?
Conor McPherson (f. 1971 i Dublin) er ein av Irlands beste samtidsdramatikarar. Lindetreets løyndom har han motteke heile tre prisar for; A Thames TV Award, A Guinness/National Ingenuity Award og the Myer-Whitworth Award.
Til norsk ved Rita Abrahamsen. Til nynorsk ved Terje Lyngstad.
Regi: Rita Abrahamsen. Scenografi: Åse Hegrenes. Lysdesign: Tobias Leira Medverkande: Mads Sjøgaard Pettersen, Kyrre Eikås Ottersen og Kristoffer Sagmo Aalberg Mads Sjøgård Pettersen vann i år Amandapris for beste birolle for rolla som den homofobe Ulrik i filmen “Nord”. Han har i tillegg ein av hovudrollene i den prislønna filmen ”Upperdog” som har kinopremiere i disse dager.
